اشعار آذری در وصف حضرت جعفر بن موسی(علیه السلام)
آغلارام شام و سحر سبط پیمبر حالینه
جان وئرن زندانیده موسی بن جعفر حالینه
بو لمورم بو سرورین هانسی غمین تعداد ائدوم
گوزیاشین رخساره جاری چون شط بغداد ائدوم
ذلتین یاد ایلیوم یا غربتیندن داد ائدوم
بیر یانان اوددی با خاندا اول شهین هر حالینه
بسکه چکدی گوشه ی زندانیده بی حد بلا
اولدی بیر نوعی ضعیف اول سرور ملک وفا
یل دگنده میل اندردی گه صاقا گاهی صولا
حالتی تشبیهیدی برگ گل تر حالینه
گورمیوب عالمده هرگز بیله غربت بیر غریب
چکمیوب موسی بن جعفر تک مصیبت بیر غریب
بوخ سراغیم چکماقا بیر بیله ذلت بیر غریب
بیله غربت هئچ کیمون اولموب مقدّر حالینه
گوشه ی زندانیده اون یدّی ایل شام و سحر
بو غریبون آلمادی بیر کیمسنه حالین خبر
نه گلن نه بیر گئدن زنجیریده خونین جگر
بیله دور بالله باخان اولماز غریبلر حالینه
ائتمدی هارون بو قدری جور و ظلمه اکتفا
بیر نچه دانه رطبده گوندروب زهر جفا
قالدی مجبور ایلدی میل اول امام ماسوا
یاندی قلبی اول شهین یاندی ملکار حالینه
زهریله مسموم اولوب خیلی پرشیان حالیله
جان وئروب اوچ گون جنازه قالدی بو منوالیله
گلدی اوچ گوندن صورا بیر تخته دورت حمّالیله
بیله تشییع اولونموب هئچ ئولنلر حالینه
ائتدی تشییع جنازه اول شهی چون دورت نفر
تا او احواله سلیمان ائتدی قصریندن نظر
اوز غلامین ائتدی احضار آلدی احوالی خبر
کیمدی بو بی کس یو گون با خکوبدی کسلر حالینه
ایله تعجیل تمامیله غلام اولدی روان
بولدی احوالی گلوب تفصیلیله قیلدی بیان
با شینه ووردی سلیمان ائتدی فریاد و فغان
آغلادی اول بی کس و بی یار و یاور حالینه
گلدی قصریندن وءروب غسل ائتدی پر جمعیت کفن
ایستیوب اوز اهل بیتین سویلدی با صد محن
بو غریبه آغلیون بیر اوخشیون فریادیلن
یوخ یانندا آغلیا باجی برادر حالینه
وار یری بو غصه دن یکسر گوگوللر قان اولا
حضره دین نوحه سرا بو عالم امکان اولا
عالمون جانی حسینون جاننه قربان اولا
هیچ کیمون حالی قیاس اولماز او سرور حالینه
اولمادی کرب و بلاده کیمسه عاشورا گونی
غسل وئرسون دفن قیلسون کربلا مظلومنی
جای اینکه قویماسونلا بی کفن گل جسمنی
سویدی رختین یانمادی قوم ستمگر حالینه
شاعر : شهاب
کتاب : گُلچین لَر گُلچینی به کوشش یوسف پیری
تایپ و انتشار : داریوش مصلح
اژدر